Amerikalı rejissor Vudi Allenin ögey qızı Dilan Ferrou müzakirələrə səbəb olan daha bir açıqlama verib.
“Qafqazinfo” xarici KİV-ə istinadən xəbər verir ki, 32 yaşlı Ferrou illər əvvəl yaşanan hadisəni yenidən gündəmə gətirib.
O, “Atam 7 yaşım olanda məni zorlamaq istədi. İllər sonra bu məsələni qabartdım. Onunla bağlı bir ölçü götürülmədi”- deyib.
Sözügedən açıqlamadan sonra 82 yaşlı rejissorun yeni çəkdiyi “Rainy day in New -York” filminin sponsoru olan Amazon şirkəti layihədən geri çəkilib.
Bundan əlavə, filmin çəkilişlərinin başa çatması və premyerasının olması sual altındadır.
Qeyd edək ki, Vudi Allen övladlığa götürdüyü Soon-Yi Previnlə evlənib.