Oğurluq edən 13 nəfər saxlanılıb

ogurluq-eden-13-nefer-saxlanilib
Oxunma sayı: 1578

Ötən gün daxili işlər orqanlarının keçirdikləri əməliyyat - axtarış tədbirləri nəticəsində oğurluq edən şəxslər saxlanılıb.

Daxili İşlər Nazirliyinin mətbuat xidmətindən “Qafqazinfo”ya verilən məlumata görə, Nəqliyyatda Baş Polis İdarəsi əməkdaşlarının keçirdikləri əməliyyat tədbirləri nəticəsində avqustun 21-də Şirvan dəmir yolu stansiyasının ərazisindən 25 ton relsi oğurlayıb apararkən İmişli rayon sakini Elvin Abbasov və Neftçala rayon sakini Bəhruz Zeynalov saxlanılıb.

Nəsimi RPİ 22-ci PŞ əməkdaşlarının keçirdikləri əməliyyat tədbirləri nəticəsində avqustun 11-də Bakı şəhər sakini L.Ələkbərovaya məxsus içərisində 100 manat və mobil telefon olan çantanı oğurlamaqda şübhəli bilinən Ağcabədi rayon sakini Gövhər Quliyeva saxlanılıb.

Suraxanı RPİ 30-cu PŞ əməkdaşlarının keçirdikləri əməliyyat tədbirləri nəticəsində avqustun 11-də rayon ərazisindəki evlərdən birinin həyətyanı sahəsindən 25 baş qoyun oğurlamaqda şübhəli bilinən Hövsan qəsəbə sakinləri İsmayıl Səlimov saxlanılıb, daha bir nəfərin isə şəxsiyyəti müəyyən edilib.

Sumqayıt ŞPİ əməkdaşlarının keçirdikləri əməliyyat tədbirləri nəticəsində avqustun 13-də şəhər ərazisindəki evlərin birindən 1300 manat pul və qızıl əşyalar oğurlamaqda şübhəli bilinən Kamran Ağayev saxlanılıb.

Göyçay rayon sakini olan bir nəfərin bankomat kartından 91 manat pul çıxararaq oğurlamaqda şübhəli bilinən şəhər sakinləri Valeh Xəlilov, əvvəllər məhkum olunmuş Ruslan Qasımov və Həriman Rəhimov avqustun 20-də polis əməkdaşlarının keçirdikləri əməliyyat-axtarış tədbirləri nəticəsində saxlanılıb.

Ətraflarında aparılan tədbirlərlə onların cari ilin may-avqust ayları ərzində Göyçay rayon sakini olan daha 3 nəfərin bankdakı hesablarından ümumilikdə 2479 manat pul çıxarmaları müəyyən edilib.

Cəlilabad RPŞ əməkdaşlarının keçirdikləri əməliyyat tədbirləri nəticəsində avqustun 18-də rayon ərazisindəki apteklərin birindən 100 ampula “Tramadol” həbləri oğurlamaqda şübhəli bilinən şəhər sakini Elxan Kazımov saxlanılıb.