Olimpiya mükafatçımıza 4 illik cəza verildi
2014-cü ildən Azərbaycanın şərəfini qoruyan ukraynalı kanoeçi İnna Osipenko-Radomskya anti-dopinq qaydalarını pozduğu üçün cəzalandırılıb.
“Qafqazinfo” Beynəlxalq Kanoe Federasiyasının (ICF) saytına istinadən xəbər verir ki, Osipenko-Radomskaya 2018-ci ilin mayında yarışdankənar dopinq testindən keçməkdən imtina etdiyi üçün cəzalandırılıb.
Verilən cəzaya görə, 36 yaşlı idmançı 4 il müddətinə beynəlxalq yarışlarda çıxış edə bilməyəcək.
Onun 21 gün ərzində İdman Arbitraj Məhkəməsinə müraciət edərək qərara etiraz etmək hüququ var.
Qeyd edək ki, İnna Osipenko-Radomskya “Rio-2016” Yay Olimpiya Oyunlarının bürünc medal qazanıb.
Son Xəbərlər
- 1
- 2
- 3
- 4
- 5
- 6
