On səkkiz ton pomidorda problem yaranıb? - Rəsmi açıqlama

On səkkiz ton pomidorda problem yaranıb?
Oxunma sayı: 693

Dövlət Gömrük Komitəsi Azərbaycandan Rusiya Federasiyasına ixrac edilən  18 ton pomidor məhsulunun sənədlərində problem aşkarlandığı üçün  geri qaytarıldığına dair mediada yayılan məlumatlara münasibət bildirib.

DGK-dan “Qafqazinfo”ya verilən məlumata görə, son dövrlərdə Azərbaycandan Rusiyaya ixrac edilən kənd təsərrüfatı məhsullarının geri qaytarılması faktı qeydə alınmayıb,  o cümlədən 18 ton pomidor məhsulunun da sənədlərində problem olduğu üçün geri qaytarılması ilə bağlı irəli sürülən iddialar əsassızdır.

Hazırda Rusiya Federasiyası ilə sərhəddə yerləşən bütün sərhəd-gömrük keçid məntəqələrindən kənd təsərrüfatı məhsulları daşıyan nəqliyyat vasitələrinin keçidi davam edir və meydana çıxan hər hansı problem operativ şəkildə həllini tapır.
 
Murad Əhməd


Daha tez məlumatlanmaq üçün yeni Facebook səhifəmizi