Bu gün Pakistanın iki ayrı bölgəsində terror hadisəsi baş verib.
“Qafqazinfo” Euronews-a istinadən xəbər verir ki, Bəlucistan vilayətinin Quetta şəhərində polisin nəzarət məntəqəsində bomba ilə yüklənmiş avtomobil partladılıb.
Hadisə zamanı 7-si polis olmaqla 13 nəfər ölüb, 19 nəfər yaralanıb. Terror aktını “Taliban”ın Pakistandakı qolu “Camaat-ul-Əxrar” öz üzərinə götürüb.
Paraçinar şəhərində isə bazarda 3 dəqiqə ara ilə 2 terror hadisəsi baş verib. Nəticədə 25 nəfər ölüb, ən az 100 nəfər yaralanıb.
Beləliklə, Pakistanda bir gündə baş verən terror aktları nəticəsində 38 nəfər ölüb, ən az 113 nəfər yaralanıb.