Paşinyan təmas xətti ilə bağlı danışdı
“Əgər cəbhədə hər gün silah səsləri eşidilirsə, bu, o deməkdir ki, biz müharibə vəziyyətindəyik”. “Qafqazinfo”nun verdiyi xəbərə görə, bu barədə Ermənistan Baş Naziri Nikol Paşinyan “Röyters”ə müsahibəsində bildirib.
Onun sözlərinə görə, təmas xəttində son günlər gərginlik var, lakin ümumiyyətlə, mövcud sabitlik və sakitlik davam edir.
Paşinyan Azərbaycan Prezidenti İlham Əliyevlə operativ əlaqələri olduğunu sözlərinə əlavə edib: “Mən indi nə baş verdiyini anlamağa çalışıram. Biz informasiya mübadiləsi aparırıq, mövcud təhlükəli məsələləri müzakirə edirik. Əlbəttə ki, qarşılıqlı ittihamlar da səsləndirilir. Ümid edirəm ki, bu vəziyyəti başa düşə biləcəyik: Nə üçün və nə baş verir?!”
Biz bütün tərəflərin Vyana bəyanatına sadiq qalmasının vacibliyinə inanırıq. İndi biz nə baş verdiyini və niyə baş verdiyini başa düşməliyik.
Azərbaycan tərəfi həmçinin müəyyən narahatlıqları olduğunu bildirir. Qarşılıqlı ittihamlar var, indi bunun həlli məsələsini tənzimləmək lazımdır. ATƏT-in hazırkı katibinin şəxsi nümayəndəsi vasitəsilə biz bu ünsiyyəti təmin etməyə və nəticə çıxarmağa çalışırıq”.
Son Xəbərlər
- 1
- 2
- 3
- 4
- 5
- 6
