Ermənistan baş naziri Nikol Paşinyanın həyat yoldaşı Anna Akopyan mətbuat konfransı keçirərək onu tənqid edənlərə cavab verib.
“Qafqazinfo” erməni KİV-nə istinadən xəbər verir ki, o, tənqidlərə ciddi yanaşdığını, şayiələri isə qulaq ardına vurduğunu deyib.
“Əhəmiyyət daşıyan istənilən tənqidə ciddi yanaşıram. Reallığı olmayan, hətta mənfi xəbərlərə isə reaksiya belə vermirəm”, - deyə Akopyan vurğulayıb.
Anna Akopyan dövlət qurumlarında qohumlarına yüksək vəzifə verildiyi ilə bağlı mətbuatda yayılmış informasiyaları təkzib edib.