Böyük Britaniyanın Mançester şəhərindəki terror aktından sonra çimərliklərdə silahlı polislərin sayı artırılacaq.
“Qafqazinfo” xəbər verir ki, bu barədə “Times” nəşri məlumat yayıb.
Skotland-Yard antiterror bölməsinin rəhbəri Mark Rouli bildirib ki, silahlı polislərin sayı 50% artırılacaq.
Qəzetin məlumatına görə, polislər ölkə çimərliklərində xüsusilə Blekpul və Skarboro şəhərlərində yerləşdirilib.
Qeyd edək ki, mayın 22-də “Mançester Arena” Ariana Qrandenin konserti zamanı terror aktı baş verib. İntiharçı-terrorçu Salman Abedinin özünü partlatması nəticəsində 12-si uşaq olmaqla 22 nəfər həlak olub.