Prezident iranlı həmkarına başsağlığı verdi

Prezident iranlı həmkarına başsağlığı verdi
Oxunma sayı: 2090

Prezident İlham Əliyev İran İslam Respublikasının prezidenti Həsən Ruhaniyə İranda hərbi paradda baş vermiş terror aktı ilə əlaqədar başsağlığı verib.

“Qafqazinfo” xəbər verir ki, başsağlığında deyilir:

“Hörmətli cənab Prezident,

Ölkənizdə törədilmiş terror aktı nəticəsində insanların həlak olması və yaralanması xəbəri bizi olduqca kədərləndirdi.

Biz bu dəhşətli hadisədən son dərəcə hiddətlənir, terrorizmi pisləyir, onun bütün forma və təzahürlərinə qarşı qətiyyətlə mübarizə aparılmasını vacib hesab edirik.
Baş vermiş bu faciə ilə əlaqədar Sizə, həlak olanların ailələrinə və yaxınlarına, bütün İran xalqına öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyirəm.

Allah rəhmət eləsin!”.


Daha tez məlumatlanmaq üçün yeni Facebook səhifəmizi