Prokurorluq ağır qəza ilə bağlı məlumat yaydı
Prokurorluğun mətbuat xidmətindən “Qafqazinfo”ya daxil olan məlumata görə, Nizami rayon ərazisində yol hərəkəti və nəqliyyat vasitələrinin istismarı qaydalarının kobud şəkildə pozulması ilə müşayiət olunan və iki nəfərin ölümü, bir nəfərin ağır xəsarət alması ilə nəticələnən yol nəqliyyat hadisəsi qeydə alınıb. Belə ki, fevralın 12-də saat 19:30 radələrində Bakı Metropoliteninin «Koroğlu» stansiyasının qarşısında 1989-ci il təvəllüdlü Məmmədov Fuad İlham oğlu idarə etdiyi «Mersedes Benz 180» markalı, «90-CV-823» dövlət qeydiyyat nişanlı avtomaşınla hərəkətdə olarkən yolu keçən piyadalar - 1986-cı il təvəllüdlü Cavadova Gülxar Ələmdar qızı, onun bacısı, 1993-cü il təvəllüdlü Cavadova Ramilə Ələmdar qızı və sonuncunun qızı, 2008-ci il təvəllüdlü Məmmədova Gülçin Teymur qızını vurub. Baş vermiş hadisə nəticəsində G.Cavadova və G.Məmmədova ölüb, digər zərərçəkmiş R.Cavadova isə xəstəxananın reanimasiya şöbəsinə yerləşdirilib.
Fakta görə Nizami Rayon Polis İdarəsinin İstintaq şöbəsində Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanıb.
Cinayətin törədilməsində şübhəli bilinən sürücü F.Məmmədov tutularaq istintaqa cəlb olunub.
Hazırda iş üzrə istintaq tədbirləri davam etdirilir.
Son Xəbərlər
- 1
- 2
- 3
- 4
- 5
- 6
