Puta qəsəbə sakinləri ilə növbəti səyyar görüş keçirilib - Foto

Puta qəsəbə sakinləri ilə növbəti səyyar görüş keçirilib
Oxunma sayı: 414

İyulun 19-da Qaradağ Rayon İcra Hakimiyyəti başçısı Süleyman Mikayılovun rayonun Puta qəsəbə sakinləri ilə növbəti səyyar görüşü keçirilib.

“Qafqazinfo” xəbər verir ki, görüşdə rayonun hüquq-mühafizə orqanlarının rəhbərləri, rayon İcra Hakimiyyətinin məsul işçiləri, rayon təsərrüfat sahələrinin rəhbərləri iştirak ediblər. Keçirilmiş səyyar qəbulda 100-dən çox qəsəbə sakinləri iştirak edib.

Qəsəbə sakinlərindən 8 nəfəri fərdi qaydada Süleyman Mikayılov tərəfindən dinlənilib. Sakinləri narahat edən problemləri dinlənildikdən sonra, həlli mümkün müraciətlər yerindəcə həll edilib, həlli vaxt tələb edən müraciətlərin həlli istiqamətində aidiyyəti üzrə rayonun idarə rəhbərlərinə müvafiq tapşırıqlar verilib.

Daha sonra qəsəbə sakinlərinə Prezident İlham Əliyev tərəfindən imzalanan “Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqrami” çərçivəsində qəsəbə ərazisində görüləcək işlər barədə ətraflı məlumat verilib.





Daha tez məlumatlanmaq üçün yeni Facebook səhifəmizi