Putinlə zarafatlaşan milyarder insan alverində ittiham edilir

putinle-zarafatlasan-milyarder-insan-alverinde-ittiham-edilir
Oxunma sayı: 1497

ABŞ-ın “New England Patriots” futbol klubunun sahibi Robert Kraft insan alverində ittiham olunur. “Qafqazinfo” xəbər verir ki, bu barədə “Business İnsider” nəşri yazıb. Məlumata görə, digər onlarla şübhəli ilə birgə adı hallanan 77 yaşlı milyarder ittihamı qəbul etmir.

İstintaqa görə, Kraft Florida ştatında spa-salonlardan birində seks-xidmətə görə iki dəfə pul ödəyib. Bununla bağlı hüquq-mühafizə orqanlarında videogörüntülər var.

Qeyd olunur ki, istintaq bir neçə ay aparılıb və Floridada masaj salonlarında insan alverinin aparıldığı ortaya çıxıb. Bundan sonra on ədəd spa-mərkəz bağlanıb.

Nəşr bildirir ki, Kraft ABŞ prezidenti Donald Trampla dostluq edir. 

Xatırladaq ki, R. Kraft 2013-cü ildə Rusiya prezidenti Vladimir Putinin ona məxsus 25 min dollar dəyərində brilliant qaşlı üzüyünü oğurladığını iddia edib. İş adamınını sözlərinə görə, o dövlət başçısına üzüyü barmağında yoxlamağa verib, Putin isə üzüyü geri qaytarmayıb. Rusiya prezidenti isə nə üzüyü, nə də Kraftı xatırlamadığını bildirərək onun üçün başqa bir üzük sifariş edə biləcəyini söyləyib. Milyarder daha sonra Putinlə əhvalatın zarafat olduğunu deyib.