Qalmaqallı məsələ MM-də müzakirə olunur

qalmaqalli-mesele-mm-de-muzakire-olunur
Oxunma sayı: 2001

Mülki Məcəlləyə dəyişiklik edilməsi məsələsi Milli Məclisdə müzakirəyə çıxarılıb. “Qafqazinfo” xəbər verir ki, bu dəyişikliklərə əsasən bir mənzilin bir neçə şəxsə satılmasının qarşısı alınacaq. 

Belə ki, Azərbaycanda tikintisi başa çatmayan binaların tərkib hissələrinin (mənzillərin) alqı-satqısı, həmin binalarda mənzil əldə edən şəxslərin mülkiyyət hüquqlarının qeydiyyatı ilə bağlı çoxlu çatışmazlıqlar, o cümlədən mənzillərin eyni zamanda bir neçə şəxsə satılması kimi sui-istifadə hallarının aradan qaldırılması üçün tam yeni bir mexanizm yaradılıb.
 
Layihə daşınmaz əmlaka sərəncam verilməsi və daşınmaz əmlakın dövlət reyestrinin aparılması sahəsində fəaliyyətin təkmilləşdirilməsi, notariusla daşınmaz əmlakın dövlət reyestri arasında əlaqələrin elektron informasiya sistemləri vasitəsilə daha çevik qurulması, eləcə də tikilməkdə olan (tikintisi başa çatmayan) binaların tərkib hissələrinin (mənzillərin) alqı-satqısı prosesinin tənzimlənməsi məqsədi ilə hazırlanıb.
 
Layihəyə əsasən yeni mexanizmin əsas hissəsi mənzillərin vətəndaşlara satılmasına qədərki prosedurlardan ibarətdir. Dəyişikliklərdə Almaniya təcrübəsindən istifadə olunub.

Layihənin müzakirəsi davam edir.

 Günel Türksoy