“Qarabağ” Çempionlar Liqasının II təsnifat mərhələsinin ilk oyununda İrlandiyanın “Dandolk” klubunun qonağı olub.
“Qafqazinfo” xəbər verir ki, qarşılaşma Ağdam təmsilçisi üçün yaxşı başlayıb.
Belə ki, matçın 4-cü dəqiqəsində Mahir Emreli vurduğu qol sayəsində son Azərbaycan çempionunu hesabda önə keçirib. Oyunun ilk hissəsi elə bu hesabla da başa çatıb.
Qarşılaşmada ikinci qol matçın 78-ci dəqiqəsində qeydə alınıb. “Dandolk”un futbolçusu Patrik Hoban komandasının cavab qolunu vurub. Oyun elə bu hesabla da başa çatıb – 1:1.
Qeyd edək ki, komandaların cavab görüşü bir həftə sonra “Dalğa Arena”da keçiriləcək.