Bu gün avrokuboklarda pley-off mərhələsinin püşkü atılacaq.

"Qafqazinfo" xəbər verir ki, Bakı vaxtilə saat 14:00-da başlayacaq mərasimdə Çempionlar Liqasında çıxış edən "Qarabağ"ın da potensial rəqibi müəyyənləşəcək. 

Qurban Qurbanovun komandası III təsnifat mərhələsində BATE səddini keçəcəyi təqdirdə, "səpələnməmişlər" səbətində yer alacaq. Bu halda təmsilçimiz pley-off-un püşkü zamanı səpələnmişlər səbətində yer alan PSV (Hollandiya), həmçinin "Zalsburq" (Avstriya) - "Şkendiya" (Makedoniya), "Seltik" (Şotlandiya) - AEK ("Yunanıstan), "Astana" (Qazaxıstan) - "Dinamo" (Zaqreb, Xorvatiya) cütlüklərinin qaliblərindən biri ilə düşə bilər
 
Çempionlar Liqası, pley-off mərhələsi

Çempionlar Yolu

Səpələnmişlər

"Zalsburq" (Avstriya) / "Şkendiya" (Makedoniya) cütünün qalibi
PSV (Hollandiya)
"Seltik" (Şotlandiya) / AEK (Afina, Yunanıstan) cütünün qalibi
"Astana" (Qazaxıstan) / "Dinamo" (Zaqreb, Xorvatiya) cütünün qalibi
 
Səpələnməmişlər
"Qarabağ" (Azərbaycan) / BATE (Belarus) cütünün qalibi
"Yanq Boyz" (İsveçrə)
"Malmö" (İsveç) / "Videoton" (Macarıstan) cütünün qalibi
"Srvena Zvezda" (Serbiya) / "Spartak" (Trnava, Slovakiya) cütünün qalibi
 
Liqa Yolu

Səpələnmişlər
"Benfika" (Portuqaliya) / "Fənərbağça" (Türkiyə) cütünün qalibi
"Slaviya" (Praqa, Çexiya) / "Dinamo" (Kiyev, Ukrayna) cütünün qalibi
 
Səpələnməmişlər
"Standard" (Belçika) / "Ayaks" (Hollandiya) cütünün qalibi
PAOK (Yunanıstan) / "Spartak" (Moskva, Rusiya) cütünün qalibi
 
Qeyd edək ki, ÇL-də pley-off-un ilk oyunları 21-22 avqust, cavab görüşləri isə 28-29 avqust tarixlərində keçiriləcək.
 
Bu gün eyni zamanda Avropa Liqasının pley-off mərhələsinin püşkü olacaq. "Qarabağ" - BATE cütündəki məğlub komanda mübarizəni məhz turnirdə davam etdirəcəyindən potensial rəqibini indidən biləcək. Avropa Liqasının Çempionlar Yolunda "səpələnmişlər" səbətində yer alacaq bu cüt aşağıdakı 4 cütlükdən biri ilə üz-üzə gələcək:
  
Səpələnmişlər
"Malmö" (İsveç) / "Videoton" (Macarıstan) cütünün məğlubu
"Seltik" (Şotlandiya) / AEK (Yunanıstan) cütünün məğlubu
"Qarabağ" (Azərbaycan) / BATE (Belarus) cütünün məğlubu
"Ludoqorets" (Bolqarıstan) / "Zrinski" (Bosniya və Herseqovina) cütünün məğlubu
 
Səpələnməmişlər
"Şerif" (Moldova) / "Valür" (İslandiya) cütünün məğlubu
"Spartak" (Yurmala, Latviya) / "Suduva" (Litva) cütünün məğlubu
TNS (Uels) / Mityulland" (Danimarka) cütünün məğlubu
"Torpedo" (Kutaisi, Gürcüstan) / "Kukesi" (Albaniya) cütünün məğlubu
 
Qeyd edək ki, Avropa Liqasında pley-off matçları oyunlar avqustun 23-də və 30-da keçiriləcək.

***

Bakı vaxtı ilə saat 14:00-da başlayan püşkatma mərasimində Çempionlar Liqasında çıxış edən "Qarabağ" - BATE cütünün də potensial rəqibi müəyyənləşib 
 
Belə ki, bu turnirdə BATE səddini keçsə, Qurban Qurbanovun komandası ən arzuolunmaz rəqiblə qarşılaşacaq. Bu, Hollandiya vitse-çempionu PSV-di. Püşkə görə ilk matçda "Qarabağ" meydan sahibi olacaq.