“Qələbəni Tale Heydərova həsr edirik” - Qurbanov

qelebeni-tale-heyderova-hesr-edirik
Oxunma sayı: 1196

Azərbaycan Kubokunun yarımfinal mərhələsində “Neftçi” ilə cavab matçında 3:1 hesablı qələbə (ilk oyun 1:2) sayəsində finala vəsiqə qazanan "Qəbələ”nin hücumçusu Ruslan Qurbanov oyundan sonra fikirlərini bölüşüb.

“Qafqazinfo” xəbər verir ki, o, öncə bunları söyləyib:
 
“Gözəl gün idi. Biz qələbəni Tale Heydərova həsr etmək istəyirik. Siz bizi həmişə dəstəkləyirsiniz və buna görə sizə minnətdarıq”.
 
Qurbanov "Qəbələ"yə ilk kuboku qazandırmaq üçün əllərindən gələni edəcəklərini və buna çox az qaldığını vurğulayıb. O, klubun digər rəsmilərinə, azarkeşlərə və belə oyuna görə, futbolçulara minnətdarlığını ifadə edib. 
 
Qeyd edək ki, "Qəbələ" mayın 28-də keçiriləcək final matçında "Keşlə" ilə üz-üzə gələcək.