Ötən gün Gədəbəydə qətl törədən gənc saxlanılıb.
“Qafqazinfo” APA-ya istinadən xəbər verir ki, hadisəni törətməkdə şübhəli bilinən rayonun Kiçik Qaramurad kənd sakini, 1997-ci il təvəllüdlü Məmmədəli Şakir oğlu Cəfərli tutulub.
Onun hadisəni sərxoş vəziyyətdə törətdiyi bildirilir.
Faktla bağlı araşdırma aparılır.
Qeyd edək ki, ötən gün axşam xəstəxanaya yerləşdirilən rayonun Böyük Qaramurad kənd sakini, 1984-cü il təvəllüdlü Quliyev Elşad İsa oğlu həkimlərin səylərinə baxmayaraq dünyasını dəyişib. Bıçaqlanma hadisəsi rayonun Böyük Qaramurad kəndində baş verib. Elşad Quliyev bıçaqlanaraq yolun kənarında uzanmış vəziyyətdə aşkarlanıb.