Sumqayıt şəhərində ağır yol qəzası baş verib.
“Qafqazinfo” “Report”a istinadən xəbər verir ki, hadisə 16-cı məhəllə ərazisində qeydə alınıb.
Belə ki, 30 nömrəli müntəzəm xətt üzrə işləyən sərnişin avtobusu idarəetməni itirərək yoldan çıxıb və yaşayış binasına çırpılıb.
Hadisə nəticəsində 20-dən çox sərnişin yaralanıb.
Yaralılar Sumqayıt Şəhər Təcili Tibbi Yardım Xəstəxanasına çatdırılıb.
***
“Qafqazinfo” “Report”a istinadən xəbər verir ki, Sumqayıt şəhərində baş verən yol qəzasında yaralananların sayı 42-yə çatıb.
Sumqayıt Şəhər Polis İdarəsinin rəisi Nəriman İmanov və Sumqayıt Şəhər İcra Hakimiyyətinin başçısı Zakir Fərəcov xəstəxanada yaralılara baş çəkib.