Qəzza zolağında İsrail hərbçiləri ilə fələstinlilər arasında toqquşma baş verib.
“Qafqazinfo” “RİA Novosti”yə istinadən xəbər verir ki, bu barədə Fələstinin Səhiyyə Nazirliyinin nümayəndəsi Əşrəf əl-Kedra məlumat verib.
Məlumata əsasən, tərəflər arasında toqquşmalar nəticəsində 4 nəfər ölüb, daha 645 nəfər isə xəsarət alıb. Onlardan 124-ü döyüş gülləsi ilə yaralanıb.
Bundan əvvəl İsrail ordusu Qəzza zolağı ilə sərhəddə baş verən ixtişaşlarda 3 minə yaxın fələstinlinin iştirak etdiyi barədə məlumat yayıb.