Qubada dağ massivində yanğın baş verib.
“Qafqazinfo” xəbər verir ki, bu gün rayonun Gədikqışlaq kəndində 10 hektar ərazini əhatə edən yanğın olub. Meşə-kolluq və əkin sahələri yanıb.
Əraziyə ikisi FHN Şabran rayon bölməsindən, biri Quba rayon şöbəsindən olmaqla 3 ədəd yanğınsöndürən maşın və canlı qüvvə cəlb olunub.
Yanğın söndürülüb, ətraf ərazilər yanğından mühafizə olunub.
Faktla bağlı hüquq-mühafizə orqanları tərəfindən araşdırma aparılır.
Emin Kərimov