Qüdsdəki məscidlərdən biri söküləcək
İslamazeri.az Fələstinin “maannews” saytına istinadən xəbər verir ki, sionist İsrail rejiminin məhkəməsi müqəddəs Qüds şəhərindəki məscidlərdən birinin sökülməsi barədə qərar qəbul edib.
Məscidin axundunun sözlərinə görə, Ras əl-Amud məntəqəsində yerləşən məscidin bir tərəfinin sökülməməsilə bağlı məhkəməyə müraciət etsələr də sionist məhkəməsi bu müraciəti təmin etməyib.
Beləliklə də, Şeyx Səbri əbu-Diab bildirib ki, Məhəmməd əl-Fateh məscidi guya lisenziyasız tikildiyi üçün söküləcək. Axund qeyd edib ki, məscidin sökülməsi nəzərdə tutulan hissəsi qadınlar tərəfindən istifadə edilirdi. 70 kvadrat metrlik hissə 2009-cu ildə məscidi genişləndirmək məqsədilə tikilmişdi.
Mühəndislər və hüquq müdafiəçiləri məscid üçün dəfələrlə lisenziya almağa çalışsalar da işğalçı rejim bunu verməkdən imtina edib.
Son Xəbərlər
- 1
- 2
- 3
- 4
- 5
- 6
