Ramil Azərbaycandan niyə imtina etmişdi?

Ramil Azərbaycandan niyə imtina etmişdi?
Oxunma sayı: 6065

Azərbaycanı tərk edərək Türkiyə yüngül atletika millisinin şərəfini qoruyan Ramil Quliyev keçən il Yay Olimpiya Oyunları ərəfəsində "Socrates" jurnalına müsahibə vermişdi. “Qafqazinfo”nun məlumatına görə, idmançımız müsahibədə ölkəmizdən niyə imtina etdiyinin səbəblərini açıqlamışdı.

Quliyev burada Azərbaycan Yüngül Atletika Federasiyasının və Gənclər və İdman Nazirliyinin ona yaratdığı problemlərdən söz açmışdı. Həmin müsahibəni ixtisarla təqdim edirik:

"Doğulduğum ölkədə məni dəstəkləmədilər. Bəlkə də aşağı sinifdən - kasib bir ailədən gəldiyim üçün... Bilmirəm. Federasiya normal toplanış təşkil etmirdi, masajist yox idi, həkim yardımı ala bilmirdim, həmçinin vitamin və fizioterapevt problemləri.. Sıfır dəstək. Azərbaycanda professional karyeramı davam etdirməyim imkansız görünürdü. Əslində, başqa bir ölkəyə üz tutmaq kimi bir fikrim yox idi amma məni məcbur elədilər. Türkiyədə isə mənimlə yaxşı davrandılar.

Azad Rəhimovun onlardan pul istəməyim barədə dedikləri hamısı yalandı. Mən nə Azərbaycandan pul istəmişəm, nə də Türkiyədən, “Sizin üçün yarışacam" dediyimdə 5 qəpik pul tələb etmişəm. Sadəcə, bir şey demək məcburiyyətində olduqları üçün danışırlar: onlardan pul tələb etmişəm, yox, başqa bir şey istəmişəm filan... Hamısı yalandı. Məni sevməyən, məni incidən onlardı. İnanın, heç səbəbini də bilmirəm.

Azərbaycanda yaxşı nəticələr qazanmağa başladıqdan sonra özümü inkişaf etdirmək istəyirdim. Qətər və Rusiyanın təklifləri diqqətimi cəlb etmədi, ölkəmdə isə yaxşı bir yerə gəlməyim imkansız idi. Atamla birlikdə Türkiyədəki klublarla görüşmək qərarına gəldik. "Fənərbağça" klubundan hər cür dəstək göstərəcəkləri deyildi. Öz-özümə düşündüm: yeni bir yerə getmirəm, fərqli bir şey görməyəcəm, dil eyni, mədəniyyət eyni... Nəticədə Türkiyəyə gəldim. Azərbaycandakı problemlər səbəbindən çox pis günlər yaşamışam, amma artıq xoşbəxtəm”.

Tərcümə: Rüfət Məcid


Daha tez məlumatlanmaq üçün yeni Facebook səhifəmizi