“AS Qrup İnvestment” şirkəti  Bakının ən iri premium yaşayış kompleksinin həyətində Bayraq gününü qeyd etdi. “Renessans Palace”ın sakinlərinin,  ictimai fiqurların şirkət rəhbərliyinin və nümayəndələrinin iştirak etdiyi tədbirdə unudulmaz anlar yaşandı.

“Qafqazinfo” xəbər verir ki, “AS Qrup İnvestment”in təsisçisi Şahin Mövsümov tədbirdə iştirak edən hər kəsin bayramını təbrik edib, xoş arzularını çatdırıb. 100 illik tarixə malik müqəddəs bayrağı, dövləti yaşadan, ona hazırkı qüdrətini qazandıran ölkə rəhbərliyinə minnətdarlığını bildirdi. Fürstədən istifadə edən şirkət rəhbəri “Renessans Palace” sakinlərinə kompleksin artıq tamamilə təhvil verilmək üzərə olduğunu, mənzil sahiblərinin hamısının təmirə başlaya biləcəklərini və yaza doğru binada yaşayışın başlayacağının müjdəli xəbərini də verdi.

Tədbirin həm fəxri qonaqlarından biri, həmçinin kompleksin sakinlərindən olan cümhuriyyətin qurucusu Məmmədəmin Rəsulzadənin nəvəsi Rəis Rəsulzadə də tədbir iştirakçılarından idi və o da söz alaraq səhnəyə çıxdı və “Renessans Palace”ın həyətində toplaşmış hər kəsi, öz qonşularını Bayraq günü münasibəti ilə təbrik etdi.

Kompleksin həyətinin müxtəlif guşələrində fərqli mövzularda bayram abu-havasını yaşadan şou proqramlar göstərildi. Tədbir boyu əməkdar artist, tarzən Şəhriyar İmanovun triyosu milli musiqilərimizin ifası ilə qonaqlara xoş ovqat bəxş etdi.  Bina sakinlərinin üzləri bayraq rənglərinə boyanmış uşaqları birlikdə iri lövhədə “Xəyallarımın evi – “Renessans Palace” mövzulu rəsm çəkdilər. Tədbirin sonunda sakinlər və kompleksin aid olduğu “AS Qrup İnvestment” şirkətinin əməkdaşları birlikdə dövlət bayrağının rənglərində yüzlərlə şarı havaya buraxdı.

Qeyd edək ki, “Renessans Palace”da hazırda “Payız aksiyası” adlı güzəştli kampaniya keçirilir. Aksiyaya əsasən, payız aylarında kompleksdən mənzil alan şəxslərə 36 min manatadək endirim edilir və hətta endirimli qiyməti 36 ay müddətinə heç bir faiz hesablanmadan hissə-hissə ödəmək imkanı yaradılır. Şərtlərlə ətraflı tanış olmaq və başqa özəl təkliflər əldə etmək istəyən şəxslər 012 5382977 və 050 7158888 nömrələri vasitəsilə “Renessans Palace”la birbaşa əlaqə saxlaya bilərlər.