“Rəqib elə bir komandadır ki...” - Qurban Qurbanov

reqib-ele-bir-komandadir-ki
Oxunma sayı: 1689

Ölkəmizi Çempionlar Liqasında təmsil edən "Qarabağ" sabah II təsnifat mərhələsinin ilk oyununda İrlandiyanın "Dundalk" klubu ilə qarşılaşacaq.

"Qafqazinfo" xəbər verir ki, Ağdam klubunun baş məşqçisi Qurban Qurbanov qarşılaşmadan bir gün öncə təşkil olunan mətbuat konfransına qatılıb.

Təcrübəli mütəxəssis səfər oyunu ilə bağlı fikirlərini bildirib:

"Bütün fikrimizi sabahkı oyuna cəmləmişik. Rəqibimiz elə bir komandadır ki, həm ev, həm də səfərdə eyni oyunu göstərməyə çalışır. Orta xəttdə çox sürətli və təhlükəli futbolçuları var. Başda baş məşqçi olmaqla bütün komanda olduqca istəklidir. Düzdür, sabah süni örtüklü meydanda oynayacağıq, bu da futbola təsir edir. Təbii örtüklü meydançada oynamaq istərdik, amma hazırda bu haqda fikirləşməyə vaxtımız yoxdur, sabahkı oyuna tam konsantrasiya olmalıyıq. İlk turun ilk oyununda qeydə alınan heç-heçə növbəti mərhələ üçün faydalı olmuşdu, amma bunu sabahkı oyun haqda demək olmaz. Bilirik ki, sabah bizə qarşı tam motivasiya olunmuş bir komandaya qarşı oynayacağıq".