Rəşad Sadiqov azarkeşləri təhqir etdi, 3 oyunluq cəzalandı

Rəşad Sadiqov azarkeşləri təhqir etdi, 3 oyunluq cəzalandı
Oxunma sayı: 1109

AFFA İntizam Komitəsi “Qəbələ” – “Zirə” matçı ilə yanaşı digər oyunlar barədə də qərarlar qəbul edib. “Qafqazinfo” xəbər verir ki, “Neftçi”nin futbolçusu Rəşad Sadiqov azarkeşləri təhqir etdiyinə görə 3 oyunluq cəza alıb. 

Topaz Premyer Liqasının XVI turunun “Sumqayıt” – “Neftçi” matçında “Neftçi” klubunun 5 futbolçusu sarı vərəqə ilə cəzalandığı üçün klub 800 manat cərimə olunur (maddə 40).

Oyunun 60-cı dəqiqəsində "Neftçi" klubunun 6 №-li futbolçusu Rəşad Sadiqov azarkeşlərə qarşı təhqiredici ifadələr işlətdiyinə görə meydançadan kənarlaşdırıldığı üçün 3 oyun cəzalanır, klub 1600 manat cərimə olunur (maddə 42.1).

“Sumqayıt” klubunun baş məşqçisi Samir Abasovuntexniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanır, klub 800 manat cərimə olunur (maddə 62).

Əvəzedici heyətlərin XVI turunun “Kəpəz” – “Keşlə” matçında “Keşlə” klubunun 77 №-li futbolçusu Oleq Hüseynov rəqib futbolçuya qarşı təhqiredici ifadələr işlətdiyinə görə meydançadan kənarlaşdırıldığı üçün 3 oyun cəzalanır, klub 800 manat cərimə olunur (maddə 42.1).

I Divizionun XIV turunun “Turan Tovuz” – MOİK matçında MOİK klubunun 4 futbolçusu sarı vərəqə ilə cəzalandığı üçün klub 80 manat cərimə olunur (maddə 40).
I Divizionun XIV turunun “Xəzər” – “Sabah” matçının 83-cü dəqiqəsində “Sabah” klubunun 3 №-li futbolçusu Şirməmməd Məmmədovun ikinci sarı vərəqə alaraq meydançadan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).


Daha tez məlumatlanmaq üçün yeni Facebook səhifəmizi