Respublika Prokurorluğu daha bir korrupsiya faktını açdı

respublika-prokurorlugu-daha-bir-korrupsiya-faktini-acdi-
Oxunma sayı: 634

Respublika Prokurorluğunun mətbuat xidmətindən “Qafqazinfo”ya daxil olan məlumata görə, müəyyən edilib ki, 1960-cı il təvəllüdlü Aybəniz Əzizova və 1961-ci il təvəllüdlü Şölə Nadirova yaşa görə əmək pensiyası almaq məqsədi ilə 2004-cü ildə İsmayıllı rayon polis şöbəsindən müvafiq olaraq 11 fevral 1954-cü il və 17 avqust 1953-cü il tarixlərdə doğulmaları barədə saxta şəxsiyyət vəsiqələri əldə ediblər. Bundan sonra həmin vəsiqələri digər zəruri sənədlərlə birgə Dövlət Sosial Müdafiə Fondunun İsmayıllı rayon şöbəsinə təqdim edərək Aybəniz Əzizova 7 min 257 manat, Şölə Nadirova isə 7 min 287 manat məbləğində əmək pensiyası almaqla külli miqdarda özgə əmlakını ələ keçiriblər.

Fakta görə Cinayət Məcəlləsinin 178.3.2-ci (dələduzluq) maddəsi ilə cinayət işi başlanmışdır.

Hazırda qeyd edilən cinayət işi üzrə tam, hərtərəfli və obyektiv istintaq aparılmaqla cinayətin digər iştirakçılarının müəyyən edilərək istintaqa cəlb edilməsi, eyni zamanda vurulmuş ziyanın ödətdirilməsi istiqamətində zəruri istintaq-əməliyyat tədbirləri davam etdirilir.