Röya Ayxanın ortağı yenidən hakim qarşısında

Röya Ayxanın ortağı yenidən hakim qarşısında
Oxunma sayı: 1265

Müğənni, əməkdar artist Röya Ayxanın dələduzluqda təqsirləndirilən biznes ortağı Səbinə Hüseynova barəsindəki hökmdən apellyasiya şikayəti verib.

“Qafqazinfo”nun verdiyi xəbərə görə, S.Hüseynova İlqar Babayevdən 86 min dollar alaraq dələduzluq yolu ilə mənimsəməkdə ittiham edilir. İstintaq dövründə həbs edilmədiyi üçün azadlıqda qalıb. Lakin məhkəmə proseslərinə gəlmədiyi üçün dekabrın 1-də barəsində həbs-qətimkan tədbiri seçilib və polis əməkdaşları tərəfindən həbs edilib. R.Ayxan bir neçə il bundan əvvəl dizayner S.Hüseynova ilə birgə moda evi açıb, biznes fəaliyyəti ilə məşğul olub. 
Bakı Ağır Cinayətlər Məhkəməsinin hokum ilə S.Hüseynovaya şərti cəza verilib və məhkəmə zalından azadlığa buraxılıb.

O, yuxarı instansiya məhkəməsinə müraciət edərək bəraət hökmü verilməsini istəyib. İşə Bakı Apellyasiya Məhkəməsinin hakimi Elşad Şamayevin icraatında baxılıb. Anket məlumatları dəqiqləşdirilib. Baxış iclası fevralın 12-də keçiriləcək.

Xatırladaq ki, Səbinə Hüseynova 1990-cı illərin sonlarında bir neçə porno filmə də çəkilib. Həmin filmlər 2000-ci illərin ortalarında Azərbaycanda da yayılmışdı.

Murad Əhməd


Daha tez məlumatlanmaq üçün yeni Facebook səhifəmizi