Rusiyada naməlum şəxs Xarici İşlər Nazirliyinin binasına bomba qoyulması barədə polisə məlumat verib.
“Qafqazinfo” TASS-a istinadən xəbər verir ki, dərhal bölgəyə çoxlu sayda polis cəlb edilib və binada araşdırmalar aparılıb, 40-a yaxın işçi təxliyyə edilib.
Axtarışlar nəticəsində partlayıcı maddə tapılmayıb. Hazırda yalan məlumat verən şəxsin tapılması istiqamətində tədbirlər aparılır.
Qeyd edək ki, Rusiyada son 8 ayda binalara bomba qoyulması barədə 4 mindən çox həyəcan siqnalı ötürülüb. Polislər 2,6 milyon nəfəri binalardan təxliyyə edib.