Rusiyanın Saratov vilayətində dəm qazında boğulma faktı qeydə alınıb.
“Qafqazinfo” xəbər verir ki, bu barədə “İnterfaks” agentliyi məlumat yayıb.
Məlumata əsasən, insident Marks şəhərində baş verib. Hadisə nəticəsində 4 nəfər dəm qazından zəhərlənərək ölüb. Onların cəsədləri yaşadıqları evdə aşkar edilib. Ölənlərin arasında 10 yaşlı qız uşağı da olub.
Faktla bağlı cinayət işi açılıb. Hadisənin səbəbləri müəyyənləşdirilir.