Rusiyanın BMT-dəki yeni daimi nümayəndəsi Xarici işlər nazirinin müavini Vasiliy Nebenzya olacaq.
“Qafqazinfo” xəbər verir ki, bu barədə “İzvestiya” nəşrinə XİN-dən olan mənbə bildirib.
Mənbənin sözlərinə görə, bununla bağlı bütün sənədlər artıq BMT-yə göndərilib.
Qəzet qeyd edir ki, V. Nebenzyanın namizədliyi parlamentin hər iki palatasında təsdiq olunmalıdır.
Xatırladaq ki, Rusiyanın BMT-dəki sabiq daimi nümayəndəsi, diplomat Vitaliy Çurkin fevralın 20-də vəfat edib.