Rusiyanın göndərdiyi gəmi kosmosa enə bilməyib

Rusiyanın göndərdiyi gəmi kosmosa enə bilməyib
Oxunma sayı: 1228

Göyərtəsində “FEDOR” robotu olan Rusiyanın “Soyuz MS-14” kosmik gəmisi Beynəlxalq Kosmik Stansiya ilə planlaşdırılmış vaxtda kosmosa eniş edə bilməyib.

“Qafqazinfo” “RİA Novosti”yə istinadən xəbər verir ki, gəmi stansiyaya 99 metr yaxınlaşdıqdan sonra 279 metr geri məsafəyə çəkilib.

Mənbənin sözlərinə görə, uğursuz enişə kosmik gəminin yerləşmə sistemindəki nasazlıq səbəb ola bilər. Bildirilir ki, “Soyuz MS-14” növbəti cəhdini avqustun 26-ı edəcək.

Xatırladaq ki, göyərtəsində “FEDOR” robotu olan kosmik gəmi avqustun 22-i Qazaxıstanın Baykonur kosmodromundan havaya qaldırılıb. Uçuşa start verilən zaman əlində Rusiya bayrağı tutan robot kosmonavt Yuri Qaqarinin məşhur “Getdik!” sözünü deyib.

Aysel Kərimova


Daha tez məlumatlanmaq üçün yeni Facebook səhifəmizi