Rusiyanın məşhur döyüşçüsü Bakıda - Fotolar
.jpg "rusiyanin-meshur-doyuscusu-bakida")
Rusiyanın qarışıq döyüş sənəti üzrə məşhur idmançısı, MMA çempionu Həbib Nurməhəmmədov Azərbaycana gəlib.
"Qafqazinfo" xəbər verir ki, o, Gənclər və İdman Nazirliyi, Bakı şəhər Gənclər və İdman Baş İdarəsi və Azərbaycan Pankration, Qrapplinq və MMA Federasiyasının dəvəti və dəstəyi ilə Bakıda qonaq olub.
H. Nurməhəmmədov əvvəlcə Fəxri Xiyabana gedərək ulu öndər Heydər Əliyevin məzarını ziyarət edib. Daha sonra o, Şəhidlər Xiyabanına gedib. Çempionu Gənclər və İdman Nazirliyinin nümayəndəsi, federasiyanın MMA üzrə rəhbəri Şir- Aslan Kərimov, Bakı şəhər Gənclər və İdman Baş İdarəsinin rəhbəri Raqif Abbasov, federasiya prezidenti Azad Əsgərov, yeni təyin olunmuş 1-ci vitse-prezident Tural Mirzəyev və başqaları müşayiət edib.
Bundan əlavə, Həbib Nurməhəmmədov "Baku Fight" zalına gedərək idman ictimaiyyəti, bu idman növü ilə məşğul olan idmançılarla görüşüb.
Məşhur döyüşçü bu gün 16:00-da Əl Oyunları İdman Sarayında isə idmançılar və fanatlarıyla bir araya gələcək.
Son Xəbərlər
- 1
- 2
- 3
- 4
- 5
- 6
