Dekabrın 17-də rüşvət və qaçaqmalçılıq əməliyyatında həbs olunan iş adamı Rza Zərraba vəkili Halil İbrahim Koca hökümətin əleyhinə ifadə verməyi təklif edib.
“Qafqazinfo” Türkiyə mətbuatına istinadən xəbər verir ki, iddialara görə, Metris həbsxanasında Zərrabı ziyarət edən vəkil “Əlavə ifadə ver. Bu işləri hökumətin məlumatı daxilində etdiyini söylə, səni hakimin yanına aparım. Səndən öncə hakimin masasında azadlığa çıxacağın haqda kağız olacaq və oradan çıxıb evinə gedəcəksən”-, deyə iş adamına təklif edib. Lakin Zərrabın vəkilin təklifinə nə cavab verdiyi məlum deyil.
Qeyd edək ki, Halil İbrahim Koc "rüşvət əməliyyatı" çərçivəsində Zərraba vəkillik etməkdən imtina edib.