Ukrayna hüquq-mühafizə orqanları əməkdaşları Gürcüstanın eks-prezidenti, “Yeni Qüvvələrin Hərəkatı” partiyasının lideri Mixail Saakaşvilinin evində axtarış aparırlar.
“Qafqazinfo” Ukrayna KİV-nə istinadən xəbər verir ki, buna etiraz edən Saakaşvili yaşadığı binanın 8-ci mərtəbəsinə çıxaraq onları özünü atacağı ilə hədələyir. Hazırda Saakaşvilinin yaşadığı binanın qarşısında tərəfdarları ilə xüsusi təyinatlılar arasında qarşıdurma yaşanır.
***
Xalq deputatı Yuri Derevyanko bildirib ki, artıq Mixail Saakaşvili saxlanılıb və ona qarşı ittiham irəli sürülüb.
***
Qarşıdurma zamanı etirazçılara atəş açılıb.
***
Saakaşviliyə “Cinayətkar dəstə iştirakçılarına yardım etmək və onların cinayət əməllərinin gizlədilməsi” ittihamı irəli sürülüb. İttiham olunduğu maddə üzrə siyasətçini 3 ildən beş ilə kimi həbs cəzası gözləyir.