Gürcüstanın keçmiş prezidenti, Odessa vilayətinin eks-qubernatoru Mixail Saakaşvili sentyabrın 10-da Ukraynaya qayıdacağını bəyan edib.
“Qafqazinfo”nun məlumatına görə, bu barədə o, Feysbukda canlı yayım zamanı bildirib.
“Mən sentyabrın 10-da Polşadan Ukraynaya qayıdıram”, - deyə Saakaşvili söyləyib.
Xatırladaq ki, Ukrayna prezidenti P. Poroşenko ötən ay Mixail Saakaşvilinin Ukrayna vətəndaşlığından məhrum olunmağı ilə bağlı fərman imzalayıb. M. Saakaşviliyə Ukrayna pasportu 2015-ci ilin mayında P. Poroşenkonun fərmanı əsasında təqdim olunmuş, dekabrda isə o, Gürcüstan vətəndaşlığından məhrum olunmuşdu.