Sabiq nazirin nəvəsi, milyarderin də qızı idi - Narkotikdən öldü

sabiq-nazirin-nevesi-milyarderin-de-qizi-idi
Oxunma sayı: 9627

Londonda 17 yaşlı skripka ifaçısı Yekaterina Tsukanova ölüb.

“Qafqazinfo” Rusiya mətbuatına istinadən xəbər verir ki, qızın cansız bədənini atası İqor Tsukanov aşkar edib.

Qızın ölüm səbəbi tam dəqiq bəlli olmasa da, bəzi KİV-lər Yekaterinanın narkotik maddənin qurbanı olduğunu yazır.

Hadisə şəhərin Kensinqton rayonunda baş verib.

Qeyd edək ki, Yekaterinanın atası məşhur kolleksioner olmaqla yanaşı, eyni zamanda milyarderdir. O, 1990-cı illərdə arvadı Nataliya ilə birlikdə Böyük Britaniyaya köçüb. Tsukanov Rusiya incəsənət dünyasında ən görkəmli şəxslər siyahısında yer alır. O, Londonda və Moskvada genişmiqyaslı sərgilər təşkil edir. Qızın anası isə nəhəng maliyyə şirkəti yaradıb. Yekaterinanın babası isə Dağıstanın Kənd Təsərrüfatı naziri olub.