Müğənni Nura Suri yeni təqdim etdiyi “#MazoxistO” mahnısının plagiat olması barədə yayılan xəbərlərə münasibət bildirib.

“Qafqazinfo” xəbər verir ki, ifaçı açıqlamasında bəstənin plagiat olmadığını söyləyib:

“Mən ilk addımlarımı atandan xarici mahnıların hansından xoşum gəlibsə, bəstəkarlardan həmin musiqiyə oxşar işlər tələb etmişəm. Məsələn İsa Məlikovun “Yollar”ını “Tocsic” mahnısının ritmləri ilə yığılmasını istəmişdim. Yəni kanta fərqli idi, aranjimanını “Tocsic”ə oxşatmışdıq. Çünki mahnının beyinə yatan anı olur ki, insana xoş gəlir. Bu, mənim ideyam idi. Mən Fərid Ağaya demişəm ki, Şakiranın mahnısı kimi olsun.

“#MazoxistO” “Chantaje”nin kopyası deyil, sadəcə olaraq nəqarətində o yeri Şakiranın mahnısından götürülüb. Biz bütövlüklə kantanı oğurlamamışıq ki... Yalnız bir hissəsindən istifadə etmişik. O da ki, mənim özüməxsusluğumdur. Artıq bütün mahnılarımda bu cür hallara rast gəlmək olar. Ümumuiyyətlə, bilənlər bilir ki, mən xarici mahnıları yeni aranjiman ilə Azərbaycan dilində ifa edirəm. Kim necə istəyirsə onu elə qəbul eləsin.

Peşəkar ona plagiat deyə bilməz. Hansısa mahnıda hansısa elementi işlətmək dünya ulduzlarının mahnısında belə var. Hətta Cenifer Lopezin öz mahnısında Lambadanın ritmləri var. O demək deyil ki, plagiatdır. Ancaq Azərbaycanda belə hallara reaksiya verirlər. Dünya ulduzları da belə edirlər və buna heç kim reaksiya vermir”.