“Salahın vəziyyəti yaxşı deyil” - Baş məşqçi

salahin-veziyyeti-yaxsi-deyil
Oxunma sayı: 4244

Çempionlar Liqasının finalında “Real” “Liverpul”a 3:1 hesabı ilə qalib gələrək 13-cü dəfə turnirin qalibi olub.

“Qafqazinfo” xəbər verir ki, oyundan sonra “Liverpul”un baş məşqçisi Yurgen Klopp məğlubiyyəti şərh edib: 

“Qəribə qollar buraxdıq. Oyun zamanı qırılma anları oldu. Salahın zədələnməsi matçın qırılma anı idi. Davam etmək lazım idi. Ancaq Beyldən gözlənilməz qollar buraxdıq”.

Klopp oyunun 28-ci dəqiqəsində Serxio Ramosun zədələdiyi Məhəmməd Salahın durumundan danışıb: “Salahın vəziyyəti yaxşı deyil. Çiynində sınıq ola bilər. Salaha və Misirə görə pis xəbərdir. Misir DÇ öncəsi ən yaxşı futbolçusunu itirə bilər. Hələ dəqiq deyil, amma təəssüf ki, ilk bilgilər bunu deyir. İdmanda belə şeylər var və bunu biz sevmirik. O, oynamağa davam etsəydi, nələr baş verəcəyini heç kim deyə bilməz. İlk hissədə dominantlıq etdik. Bunu hər kəs çox gözəl gördü. Ancaq 10 il sonra kimsə necə bir şəkildə uduzduğumu xatırlamayacaq”.

Almaniyalı mütəxəssis Beylin vurduğu fantastik qoldan danışıb: “Beyl finala yaraşan qol vurdu. Qaret Beyl dünya səviyyəli ulduzdur. Həmin qoldan sonra da təslim olmadıq, dirəkdən dönən topumuz oldu. Şanslar yaxaladıq. Finalda şansımız gətirmədi. Bəxt bizdən üz döndərdi. Belə şeyləri qəbul etməliyik. Özünüz də gördüz. Finalda qalib gəlsən, hər şey yolundadır. Məğlub olsan, işlər pis gedir. Bir həftə dincəlməliyik”.

50 yaşlı mütəxəssis oyunda iki qolda kobud səhvə yol verən komandanın qapıçısı Lorius Karius haqda bunları söyləyib: “Kariusla oyundan sonra az söhbət etdim. Səhvlər var və bu haqda çox danışmaq istəmirəm. Səhvlər açıq-aşkar idi. Kobud şəkildə baş verdi”.