Şamaxıda Qarabağ əlilləri və şəhid ailələri üçün bina istifadəyə veriləcək

Şamaxıda Qarabağ əlilləri və şəhid ailələri üçün bina istifadəyə veriləcək
Oxunma sayı: 1326

“Əmək və Əhalinin Sosial Müdafiəsi Nazirliyi tərəfindən respublikamızın bütün bölgələrində olduğu kimi, Şamaxı rayonunda da Qarabağ müharibəsi əlillərinin və şəhid ailələrinin yeni mənzillərlə təminatı üçün müvafiq işlər aparılır. Ötən dövrdə rayonda çoxmənzilli və fərdi yaşayış evləri tikilərək Qarabağ müharibəsi əlillərinin və şəhid ailələrinə təqdim olunub. Bu sahədə işlərin davamı olaraq, Şamaxı rayonunda qeyd olunan insanlar üçün daha bir 4 mərtəbəli, 36 mənzilli yaşayış binasında tikinti işləri artıq yekunlaşıb”.

 Bu barədə “Qafqazinfo”ya Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Elman Babayev məlumat verib.

O bildirib ki, hazırda binaya xarici xətlərin (işıq, qaz, su) çəkilməsi üçün müvafiq qurumlarla birgə işləri görülür. Yaxın zamanlarda yaşayış binasının Qarabağ müharibəsi əlillərinin və şəhid ailələrinin istifadəsinə verilməsi nəzərdə tutulur. 

Şöbə müdiri qeyd edib ki, Əmək və Əhalinin Sosial Müdafiəsi Nazirliyinin sifarişi ilə inşa olunan mənzillərin bölgüsü rayon (şəhər) İcra Hakimiyyətləri tərəfindən Nazirliyə təqdim edilmiş və Nazirliyin www.mlspp.gov.az saytında yerləşdirilmiş növbəlilik siyahıları əsasında  həyata keçirilir.

Şamaxı rayonunda inşa edilmiş binadakı mənzillər də rayon İH tərəfindən 11 aprel 2014-cü ildə Nazirliyə təqdim olunmuş növbəlillik siyahısına uyğun şəkildə Qarabağ müharibəsi əlillərinə və şəhid ailələrinə təqdim olunacaq.


Daha tez məlumatlanmaq üçün yeni Facebook səhifəmizi