“Samsung” “Apple” şirkətinə 539 milyon ödəməlidir - Məhkəmə qərarı

samsung-apple-sirketine-539-milyon-odemelidir
Oxunma sayı: 1758

Kaliforniya Məhkəməsi “Samsung” korporasiyasını patent hüququ pozuntusuna görə “Apple” korporasiyasına təxminən 539 milyon dollar məbləğində cərimə ödəməsinə qərar verib.

“Qafqazinfo” ICTnews-a istinadən xəbər verir ki, “Samsung” korporasiyası sənaye nümunəsi üzrə patent hüququ pozuntusuna görə 533,3 milyon dollar, həmçinin ixtira üçün patent hüququnun pozuntusuna görə 5,3 milyon dollar dəyərində cərimə ödəməlidir.

“Apple” korporasiyası Cənubi Koreya şirkətinin 1 milyard dollar məbləğində cərimələnəcəyi fikrində idi. Çünki ABŞ şirkətinin rəsmisinin qənaətinə görə, “Samsung” bu patentlərdən ən azı 1 milyard dollar qazanıb, ona görə də patentlənmiş texnologiya və dizayner həllərindən qanunsuz istifadə edilmiş smartfonların satışından əldə edilmiş bütün pulu qaytarmalıdır.

Qeyd edək ki, şirkətlər arasında məhkəmə çəkişməsi 2011-ci ildən davam edir, amma indiyədək müxtəlif məhkəmə orqanları tərəfindən qəbul edilmiş qərar tərəflərdən heç birini qane etməyib.