“Samsung” qatlanan ekrana sahib smartfonunu təqdim etdi
“Samsung” şirkəti ötən gün San-Fransiskoda Galaxy Fold adlandırdığı qatlanan ekrana sahib yeni smartfonu təqdim edib.
“Qafqazinfo” xəbər verir ki, Galaxy Fold-un əsas özəlliklərindən biri də eyni anda “YouTube”, “Whatsapp” və “Google”u açmağın mümkünlüyüdür.
“Samsung”un marketinq üzrə baş vitse-prezidenti Castin Denison bildirib ki, qatlanmış vəziyyətdə onu smartfon, açılmış vəziyyətdə isə planşet kimi istifadə etmək olar.
Smartfon altı kameraya sahibdir və dörd rəngdə buraxılıb. Aprelin 6-dan satışa çıxacaq avadanlığın qiyməti 1980 dollar olacaq.
Bundan başqa, “Samsung” ötən gün Galaxy S10, Galaxy S10e və Galaxy S10 Plus telefonlarını təqdim edib. Galaxy S10 Plus-un cəmi 6 kamerası mövcuddur. Buna qədərki digər smartfonlardan fərqli olaraq ən yüksək rəng ötürücülüyünə sahibdir.
Yeni simsiz enerji yüklənməsi texnologiyası sayəsində bir telefondan digərinə enerji yükləmək mümkün olacaq. Smartfon iki sim-kartı dəstəkləyir.
Ekranın altında dünyanın ilk ultrasəs barmaq izi skaneri yerləşir. Bunun sayəsində barmağınız yaş olsa belə telefonu çalışdıra biləcəksiniz.
Son Xəbərlər
- 1
- 2
- 3
- 4
- 5
- 6
