Rusiyanın paytaxtı Moskvada qarlı və şaxtalı hava şəraiti hava limanlarının fəaliyyətində ciddi problemlər yaradıb.
“Qafqazinfo” “Gazeta.ru”ya istinadən xəbər verir ki, Vnukovo hava limanında 9 reys təxirə salınıb.
Domodedovoda 6 reys təxirə salınıb, 15-i ləğv edilib. Şeremetyevoda isə 43 reys gecikib.
Ümumilikdə 65 reysin qrafikində problemlər yaşanıb.
Qeyd edək ki, bir gün öncə 30-dan çox reys txirə salınmış və ləğv edilmişdi.