“Seçkilər ədalətli və şəffaf keçirilib” - Əliyev
"İlk növbədə mənə bu seçkilərdə göstərilən yüksək etimada görə Azərbaycan xalqına dərin təşəkkürümü bildirmək istəyirəm. Mən həmişə Azərbaycan xalqının dəstəyini hiss etmişəm, hiss edirəm. Bu dəstək mənə güc verir, mən bu dəstəyə arxalanıram. Prezident seçkiləri Azərbaycan xalqının iradəsini əks etdirib. Azərbaycan xalqı görülən işlərə yüksək qiymət verib, görülən işlərə səs verib, inkişafa, tərəqqiyə, təhlükəsizliyə, gələcək inkişafımıza səs verib.
"Qafqazinfo" xəbər verir ki, bu fikirləri Prezident İlham Əliyev aprelin 18-də andiçmə mərasimində söyləyib.
Dövlət başçısı deyib ki, seçkilər ədalətli və şəffaf şəkildə keçirilib. Seçkilərdən əvvəl yerli və beynəlxalq təşkilatlar tərəfindən keçirilmiş rəy sorğuları, seçkilər günü yenə də beynəlxalq və yerli təşkilatlar tərəfindən keçirilmiş “exit-poll”lar seçkilərin rəsmi nəticələri ilə üst-üstə düşür. Bu, bir daha onu göstərir ki, seçkilər xalqımızın iradəsini, onun fikirlərini əks etdirir.
Son Xəbərlər
- 1
- 2
- 3
- 4
- 5
- 6
