“Qafqazinfo” Türkiyə mətbuatına istinadən xəbər verir ki, “Kanal D”ə ikinci dəfə 418 min 963 lirə pul cəzası verilib və bir ay içində cəmi cəza məbləği 837 min 926 lirə olub.
Radio-Televiziya Şurası konfransında yanvarın 29-da yayımlanan proqram hədəf götürülüb. Proqrama qatılan Leyla adlı qayınana gəlinini şikayət edib və çoxlu yalan söylədiyini bildirib. Radio-Televiziya Şurası hesabatında “Proqramda ailədə xüsusi sayılan vəziyyətlər açıqlanıb gərginliyə səbəb olub. Seda Sayan gərginliyi yüngülləşdirmək yerinə daha çox üzərinə gedib”-, deyə qeyd edib. Radio-Televiziya Şurası üzvləri də “Ailənin qorunması prinsipini pozma" səbəbiylə “Kanal D”ə 418 min 963 lirə pul cəzası verib.