Somalidə baş verən partlayış nəticəsində telejurnalist həyatını itirib.
“Qafqazinfo” xəbər verir ki, bu barədə “RİA Novosti” agentliyi məlumat yayıb.
Məlumata əsasən, partlayış paytaxt Moqadişuda qeydə alınıb. "Kalsan" TV-nin əməkdaşı 30 yaşlı Məhəmməd İbrahim Qaabounun maşını partladılıb. Jurnalist ağır vəziyyətdə xəstəxanaya çatdırılsa da onun həyatını xilas etmək mümkün olmayıb.
Qeyd edək ki, Somalidə bu il artıq 5 jurnalist öldürülüb.