Stadionun ortasında ev tikirlər - Qusarda + Video

stadionun-ortasinda-ev-tikirler
Oxunma sayı: 1222

Qusarın 3 minə yaxın əhalisi olan Urva kəndində cəmi 2 stadion var. Hazırda fəaliyyət göstərən stadionun ərazisinə ev tikilməsi üçün tikinti materialları boşaldılıb. Sakinlər isə bu vəziyyətdən narazılıq edirlər. 

“Qafqazinfo” ARB TV-yə istinadən xəbər verir ki, Urva kəndində fəaliyyət göstərən digər stadion sürüşmə nəticəsində yararsız vəziyyətə düşüb. Bu səbəbdən sakinlər uzun illərdir ki, sözügedən idman meydançasından istifadə edirlər. 

Mövzu ilə bağlı Urva Kənd Bələdiyyəsinin sədri Ramin Tarıquliyev açıqlama verib:

"1998-ci ildə Rayon İcra Hakimiyyəti başçısı tərəfindən imzalanan sərəncamla 20 sot torpaq sahəsi ayrılıb vətəndaş üçün. Bura idman meydançası kimi qalsın deyə".

Stadionda ev tikən Eynulla Yaqubovun oğlu ilə telefon əlaqəsi yaradılıb. 

Cərulla Yaqubov həmin ərazinin onlara aid olduğunu, kəndin digər bir yerində onlara torpaq verilmədiyini bildirib: "Məhkəmə qərarına qədər hər şey var. İmzalı, möhürlü, adamın ağlına gələ biləcək bütün sənədlər var".