Süni zəka Feysbuk və İnstaqramda narkotik alverçilərini təyin edəcək
Bu ilin yazında ABŞ konqresmenləri Feysbuk sosial şəbəkəsinin narkotik alverçiləri üçün açıq-aşkar platformaya çevrilməsi səbəbindən Mark Zukerberqi sərt şəkildə tənqid etmişdilər.
“Qafqazinfo” Technote-yə istinadən xəbər verir ki, indi isə sosial şəbəkədə narkotik alveri ilə bağlı şübhəli paylaşımların analizini süni zəkaya həvalə ediblər. Belə ki, xüsusi alqoritmlər bu analizi moderator qismində çalışan insanlardan daha sürətli edəcəklər.
Beləliklə, Feysbuk və İnstaqram sosial şəbəkələr sayəsində öz müştəriləri ilə əlaqə yaradan narkotik alverçilərini süni zəka vasitəsilə təyin etmək işinə keçirlər. Yeni sistem narkotik vasitələrin əks olunduğu fotoları sürətli şəkildə silməyə qadirdir. Sistem bunu hətta istifadəçilərin həmin fotonu şikayət etməmiş silməyi bacarır:
“Bizim texnologiyamız nəinki qadağan olunmuş maddələrin əks olunduğu fotoları, həmdə onların satışı ilə bağlı niyyətləri, qiymətləri, narkotik alverçilərinin telefon nömrələrini və onların sosial şəbəkə hesablarının linklərini də təyin etməyi bacarır”, - deyə Feysbukun açıqlamasında bildirilib.
Bu texnologiyanı digər şirkətlər də təkmilləşdirərək istifadə edə biləcəklər. Onların arasında “Google” və “Twitter” kimi şirkətlər var.
Son Xəbərlər
- 1
- 2
- 3
- 4
- 5
- 6
