Suriya hava hücumundan müdafiə sistemi Hüms əyalətinə atılan raketlərdən 9-nu vurub.
“Qafqazinfo” “RİA Novosti”yə istinadən xəbər verir ki, bu barədə SANA agentliyi məlumat yayıb.
Məlumata əsasən, hava hücumundan müdafiə sistemi Hüms əyalətindəki Şayrat hərbi aviabazasına atılan reketlərdən 9-nu vurub. Hava zərbələri Livan ərazisindən həyata keçirilib. Hücum zamanı ölən və yaralanan olmayıb.
Pentaqon ABŞ-ın bölgədə hər hansı bir əməliyyat keçirmədiyini bildirib.
“Al-Masdar” portalı isə zərbələrin İsrail Hava Qüvvələri tərəfindən endirildiyini bildirib.
İsrail tərəfindən verilən açıqlamada isə rəsmi Təl-Əvivin insidentlə bağlı heç bir məlumatının olmadığı qeyd edilib.