Tacikistanın şimalında ağır rejimli koloniyada baş verən üsyanda 13 nəfər öldürülüb.
“Qafqazinfo” xarici KİV-ə istinadən xəbər verir ki, hadisə Xujand şəhərində yerləşən həbsxanada baş verib. İŞİD üzvü olduğu bildirilən məhbuslardan biri cəzaçəkmə müəssisəsinin gözətçisini tərki-silah edib və nəzarətçilərə atəş açmağa başlayıb.
Bundan sonra məhbuslar koloniyanın korpuslarından birini ələ keçiriblər.
Daxili İşlər İdarəsinin xüsusi təyinatlıları qiyamı yatıra biliblər. Hazırda hadisənin baş vermə səbəbi araşdırılır.
***
Son məlumata görə, ölü sayı aralarında koloniyanın iki zabiti də olmaqla 25 nəfərə çatıb.