Tanınmış jurnalistlər klub rəsmisi oldu

taninmis-jurnalistler-klub-resmisi-oldu
Oxunma sayı: 1758

Birinci divizionun debütantı “Xəzər” klubunda yeni təyinatlar reallaşıb. “Qafqazinfo” xəbər verir ki, paytaxt təmsilçisi mətbuatdan iki transfer edib.

Bir müddət əvvəl “Şüvəlan”dan ayrılan Emin Abbasov I divizion klubunda icraçı direktor təyin edilib. Əvvəllər "Xəzər TV"də işləmiş Emin Abbasov son dövrlər "CBC Sport"da şərhçilik edirdi.

ANS-in sabiq aparıcısı, “Neftçi”nin İnformasiya və İctimaiyyətlə Əlaqələr Departamentinin keçmiş rəhbəri Gündüz Abbaszadə də “Xəzər”də vəzifəyə təyin edilib. O, bundan sonra klubun baş meneceri kimi fəaliyyət göstərəcək.